E Kahngeri „O Vazdipen le Sfïntone Truśulesqo” Horodniko Telutno

And-o gav Horodniko Telutno, jekh than paśal ol Rädäucǎ, sas vazdini and-o berś 1717 e khangeri kaśtukani rukhesqi le hramoça o Vazdipen le Sfïntone Truśulesqo, prinʒardi vi sar e maj purani khangeri kathar haj e śovto sar puranipen andar e Moldova. Ande sakodova berś, and-o ćhon maj, e khangerorri sas sfincime, haj ol manuśa ʒanas vaś e jekhtovar ande laθe kaj te vazden rugimata karing o Del. Ages, e tikni khangeri ortodokso, kaj pakǎl pes pa laθe ke si jekh kapodopera le butǎrnenqe bukovinenǎ, si sikavipen ke kerde la lokhes haj sas len sasto pakǎipen. 

E khangeri na sas nićijekhvar nevǎrdi, ama, vi kana si purani, ol thule kile kaśtukane phenes ke si neve. 

E paramići phenel ke k-o astaripen, k-o vazdipen e khangeri sas ućhardi koźaça tejosqi, haj maj palal thodǎs pes śindrila, haj palal, tabla. 

Kodova savo gelǎs ande laqo ilo mothovel sode de śukar haj de garavdo si o giripen and-o vazdipen mininaturalo, savo miazel jekhe „moxtonorreça śukarǎrdo but miśto”, laćhe gustoça haj pakǎimaça.

Ama akharas tut te ʒives kiri eksperienca ande kadaja khangerorri pherdi haro! 

---

Bukǎ arhitekturalo 

Vazdini p-ol patuma steźarosqe haj p-e temelia barresqi lenǎqo, e khangeri si rig andar ol maj kuć monumentoja kaśtukane andar e Moldova. Na prǎ baro, mininaturalo, o läkaśo uimiela tut pand-o barvalipen le xurǎvimatenqo avrǎl.  

O ansablo reliʒioso na-i les kupole haj si les jekh forma klasiko navaqi, spećifiko vaś o than la Moldovaqo.

Avrǎl śaj dikhel pes ke si jekh kuśtik khuvdi, trujal, haj si la modelo, kolakosqo ćiubućença, sar phenenas lesqe ol butǎrne. Maj but, tal-e streaśina si jekh reʒistro kerdo andar 92 ikonice xurǎvde kuśtikença khuvde. 

Kuć bukǎ

E Khangeri „O Vazdipen le Sfïntone Truśulesqo” andar o Horodniko Telutno p-o duvar le pronaososqo 13 ikoane piktime p-o kaśt, save si d-andar o śeliberś XVIII, save sikaven le Xastraitores haj le 12 apostolen.  

Sa kadja, jekh aver buki kuć kaj si kathe si o Truśul vastesqo, skulptime and-o berś 1837, dino katar o paroho Nikolai Popesku and-o berś 1888, haj vi 12 lila ritualosqe, dine avri maśkar ol berśa 1745-1777. 

---

Jekhutne bukǎ kaj ʒives len

Pher kiro phiripen trujal haj aćh kaj te rugis tut vi avre monumentojenθe reliʒioso paśal, sar si e Khangeri kaśtukan „O Sfïnto Dimitrie“ andar p Horodniko Oprutno, e Mänästirea Bogdana, e Mänästirea Putna vaj e Mänästirea Sućevica. 

Haj kaś te lośares tut le śukarimatenθar le naturaqe haj kaś te dikhes lulugǎ verver, akharas tut te nakhes vi katar e Bar Eve Forest Garden, k-e Sera lulugenqi Horodnik, vaj te phires andar o vazi lavandaqo - Owl Lavender.