O foro Solka si ande jekh śukar xarr k-ol punre le Obćinenqe la Bukovinaqe. E khangeri la mänästirǎqi kathar si la jekh istoria phari haj jekh vremǎ de akana kaj avela laćhi, putarindoj palem pesqe udara and-o berś 2021, pala 236 berśa. E purani khangeri sas agorisardi k-o astaripen le śelberśesqo XVII-lea p-e vremǎ le Śtefanosqi Tomśa o dujto. Atunći, e mänästirǎ lǎs lila khangerikane, kuć bukǎ haj gada, ama vi phuv, asǎva haj rezǎ.
E khangeri sas vazdini and-o stilo moldovisko, elementojença arhitektoniko gotiko haj bizantino. Vi akana si jekh andar ol maj barikane mänästirǎ kaj si kathe andar e Moldova medievalo. Andar e perioada barǎrimasqi, beśel sar ćaćaripen jekh Somnal Evangelia, lila liturʒiko haj ikoane kaj daśtin te aven dikhle and-o than muzealo laćhardo na akana but vremǎ.
Sa kathe xramosardǎs pes „E kondika la Mänästirǎqi Solka”, jekh „Letopiseco la Moldovaqo” haj sas jekh śkoala raśajikano. And-o berś 1810, laqe bećiurǎ sas kerde uźarimasqe stacii la berǎqe anda e fabrika katar e Solka. E mänästirǎ nakhlǎs andar ol pharimata la istoriaqe, sa kadalença, voj inkerdǎs le manuśenqe tromajimaça kathar.
O berś 2022 sas anda laθe jekh nevo astaripen, andar jekh baro projekto laćharimasqo. Kodolesqe, meritil te dikhes sar biandǒl palem jekh than śukar. Vi maj but ke ande kadava than si tut so te dikhes: si naturalo rezervacii, tang xarrǒrrǎ haj thana katar dikhes śukar, kaj daśtin te pherǎren kiri dikhimasqi eksperienca. Xarno istoriko rodinipen
Vazdini „pe jekh than sikado katar o Del”, e khangeri sas śerutni and-o barǎripen le thanesqe komunitatǎqo ande kodola maj but sar śov śelberśa ćaćarimasqe dokumentaro. O vazditori la mänästirǎqo, o Śtefan Tomśa o dujto, prinʒardo ke sas „laćho maj but le ćorre manuśença, ama nasul le bojerença, sosqe kadala sas bićaće le corre manuśença”, sas les jekh xulajipen pharo kaj mukhlǎs urmi vi kana del pes duma anda o vazdipen la mänästirǎqo.
O vazditori kamlǎs kaj e khangeri te avel lesqe gropnica, pala so merela, paśa kolaver vazditorǎ, ama and-o berś 1623, o rraj sas mudardo katar ol xoraxaja k-o Konstantinopol, haj lesqo trupo ći sas arakhlo nići ʒi ages.
E paramići phenel ke, o Anastasie Krimka, kaj sas o mitropolito la Moldovaqo dǎs armaja o vazdipen pala so xalǎs pes le xulajeça Śtefan Tomśa o dujto, kaj pala kodoja o arhiereo sas naśavdo and-o berś 1613, sosqe inkerdǎs le Mihajoza o Vitǎzo k-o jekhunipen katar o berś 1600. Kaj te pokinel pale, o jerarho phendǎsas kadala dume: „o kher kaj kerdǎn les te aresel grastenqo kher, krïśma haj te cïrdel pes ande laθe la puśkaça”, kadǎ ke opral e mänästirǎ avile maj but pharimata le berśença.
Barvalimata but kuć
And-o khethano barvalipen la Mänästirǎqo Solka si maj but bukǎ kaj mol dokumentaro haj kulturalo, maśkar savenθe si kadala:
o pomelniko trine kotorěnθar andar e khangeri
ikoane, lila haj khangerikane bukǎ
raśajenqe gada
Korkorutne eksperience
Kana aresen k-e Mänästirǎ Solka ol manuśa kaj aven te dikhen arakhena vi aver bukǎ paśal: khangerǎ, parkoja, rezervacii, plaja, tang xarrǒrrǎ, thana katar dikhes śukar, kaj daśtin te pherǎren e eksperienca le dikhimasqi le śukare Bukovinaqi de tala o devel.
Linko kopiime! 
Ʒa maj dur le Google
