E Diz Ulmetum

Temporarno phandlo

Linko kopiime!

Maśkar ol gava antiko dobroʒǎno si vi o Ulmetum, savesqe aćhilimata daśtin te dikhǒn ages and-e rig estiko le gavesqo Pantelimonu de Sus, źudeco Konstanca.

E diz Ulmetum sas jekh zorǎripen romano-bizantino, kerdi k-o agor le śelberśesqo IV haj o astaripen le śelberśesqo V palal o Hristos. Ol militarǎ kaj beśle kathe kontrolinas haj brakhenas o ingeripen le pramakenqo haj le negustorenqo p-o drom maśkaruno thagarikano dobroʒǎno, maśkar ol foroja romano Noviodunum haj Markianopolis.

Vazdini anglal te avel garnizoana marimasqi, e diz kerdili berśenθar jekh manuśenqi aśezarǎ zorǎrdi, kaj sas lar olo aktivo and-e ekonomia le thanesqi, ol manuśa kathar kerindoj buki and-e agrikultura.

Kathe ʒivde manuśa ʒi k-o astaripen le śelberśesqo VII, sas jekh pauza varesode deśa berśa.

Xarno istoriko rodinipen

And-o śelberś V palal o Hristos, e diz Ulmetum sas atakime trine valojenθar huniko jekh pala aver, jekh paś sas peravdi. Voj inkerdi ʒi and-ol berśa 470/480 palal o Hristos, kana aver evenimento marimasqo ći maj mukhlǎs te ʒiven manuśa kothe.

And-o śelberś VI palal o Hristos, kana o thagar sas o Justinian, kerel pes jekh baro programo organizarǎqo k-e frontiera romane k-e Dunärǎ Teluni. Kadja, e diz Ulmetum si jekh paś palemkerdi haj thovdini and-o ansamblo administrativo haj ekonomiko la provinćiaqo.

Jekhune bukǎ arhitekturalo

E diz Ulmetum si sar jekh triungǒ, jekh andar ol riga si arkujme. O duvar andruno si thulo 2,60 metrojenqo, haj lesqi fundacia si maj buxli sar e elevacia 20 ʒi k-o 60 ćentrimetrojença.

O zorǎripen sas kerdo 13 turnojença brakhimasqe, formença haj barimatença verver. Ol udara de p-ol riga nord-vesto haj sud-esto sas brakhǎrde katar turnoja paśćirkularo. Ol trin turnoja kolcosqe sas ćirkularo. Okolaver śov turnoja sas śtare rigença.

And-o zorǎripen arakhle pen jekh vazdipen kultosqo (basilica) haj jekh vazdipen marimasqo (praetorium).

Jekhune eksperience

San and-e Dobroʒǎ, jekh śukar themorro, kingǎrdo katar ol panǎ la Dunärǎqe haj le Kale Bare Paněsqe, kaj garavel śukarimata naturalo. Kaj te dikhes kadala, dikh ol Keji la Dobroʒaqe, purane kam de 2 milioanǎ berśa. Kaj si kadaja barvali rezervacia ʒeoloʒiko, bute śukare peśterojença, daśtis te dikhes e peśtera K-o Adam haj o Muj la Dobroʒaqo. Sa kathe arakhesa e Mänästirǎ haj e peśtera le Somnale Joanosqi Kasian.

Jekh aver rezervacia naturalo, kaj ʒiven śela burra, ćiriklǎ haj ʒivutre, kanioanença xunavde and-o loesso, si o Plaj Allah Bair vaj „o Plaj le Devlesqo”.