E Diz Hallstattiano Andar O Plaj Le Simionsoqo - Bälnaka

And-o but śukar defileo le Sigone Kriśosqo, p-o plaj le Simionsoqo, si miśto garado and-e phuv jekh zorǎripen purano maj but desar 3.000 berśa. 

Pakǎl pes ke kadava sas vazdino katar manuśa andar e epola brozosqi agoruni haj o astaripen le jekhtone sastrune epokaqo (Hallstatt), maśkar ol śelberśa XIV haj XII anglal o Hristos. Śaj ke o zorǎripen sas kerdo te dikhel opral o defileo le Sigone Kriśosqo, kaj kathe si but tang.

Kana jubis e aventura haj o mistero, telǎr ande jekh phiripen karing e diz mie berśenqi, ʒandoj p-o dromorro kaj uśtel katar e peśtera Unguru Mare, vaj pe kodova katar o Kher le Bukätarosqo andar e Bälnaka. Odola varesode thana śukarimasqe kaj si p-o drom azbana kiro ilo le śukarimaça le bukǎnqe kaj dikhesa len.

Jekhune bukǎ arhitekturalo

Vi ke ol bukǎ zorǎrimasqe le dizaqe daśtin te aven dikhle sar tikne, von sas but phares kerde ande kodoja epoka. 

P-e rig nordo, e maj putardi haj maj lokhes phiravdi, sas xunavdo jekh śanco kaj barinas e śaua phanglimasqi maśkar o baro plaj Berk haj o plaj le Simionosqo. Ćaćes, kathe sas vi jekh udar girimasqo. 

Jekh dujto udar giriamsqo, maj śukar, sas xunavdi and-o kalkaro źurasiko, and-e rig sudiko le zorǎrimasqi. Kathar, gelindoj pala jekh kurba nivelosqi, karing esto, o baro barr sas laćhardo haj śaj ke sas ućhardi berandença kaśtune.

San ande jekh than but barvalo and-ol peśterǎ, kaj daśtil te kerel pes o turismo speoloʒiko. Phenas tuqe te dikhes e peśtera Balvalǎqi (rezervacia speoloʒiko) haj e peśtera Unguru Mare (sito arheoloʒiko haj obiektivo turistiko).

Kodola kaj plaćal len ol phirimata daśtin te ʒan pe maj but droma markime, laćhe vi milaje, haj vi ivende, kana si miśto antrenime, sar si o drom de and-o Plaj Truśulesqo vaj Śunkujuś - Deś Hotarǎ. Sa kadja, paś-o zorǎripen si kerde varesode droma Via Ferrata.

Kana si puterdo daśtil te avel kerdo o raftingo p-o Kriś, p-o kotor kaj si maśkar e Bälnaka haj o Vado le  Kriśosqo.