O ansamblo le khangerăqo evangeliko zorărdi Kristian

P-o malo le paněsqo Gimbäśel, andar o źudeco Braśovo, and-jekh than alosardo but miśto akana maj but de 800 berśa, vazdel pes barikani e khangeri zorǎrdi Kristian andar o Kristian. Si jekh ansamblo arhitekturaqo jekhutno, kadǎ sar si vi okolaver vazdine le saśenθar, nićijekh na–i sajekh avreça.

---

Xarno rodinipen istoriko

O korpo le khangerǎqo sas vazdino e jekhtovar and-o stilo romaniko, ama but andar ol bukǎ dekorativo si gotiko, avindoj kerdo sar o śantieri ćisterćiano kaθar e Kïca (ages and-o źudeco Sibiu). E khangeri phiravdǎs maj anglal o hramo o Svunto Nikolae. Le vazdimas sas les but paruvimata so nakhle ol sekolurǎ, paruvimata kerde kana kheldǎs e phuv, kana sas p-e lenθe avrutne haj o butǎripen kodolenqo kaj beśen kathe. Pala so kheldǎs e phuv but zorales and-o berś 1838, kerdǎs te avel palem vazdini sǎ e khangeri, vazdel pes o akoperiśi nevo, haj e klopotnica, savǎqe thol pes laqe jekh etaźo haj o śtar turnurǎ tikne, and-o berś 1903.

O maj importanto evenimento savo si and-e khangeri, si e ïnkoronarǎ, ande septembra 1690, le prinćiposqi le Transilvaniaqo. Kadalaθe lel rig o voievodo le Rumunicko Themesqo, o Konstantin Brïnkoveanu, haj e Dieta ardelǎno, putardi k-o Kristian.

Ćaćes jekhutni si e limori kerdi and-o berś 1792 andral ol zorǎrimata. Kana areslǎn kathe, trebul te dikhes la. Kasave limorǎ si ande cïra thana andar e Europa. Ama vi gava kaj si but barze, kadǎ sar si o Kristian, na arakhesa prǎ lokhes! 

---

So daśtis te dikhes kathe

E lokaliteta si jekhe ućimasθe de 565 metrǎ haj nakhel andar laθe o pani Gimbäśel, pani savo thavdel haj avel andar ol Plaja Bućeʒi. Lesqe hotarurǎ zinzǒn k-o nordo haj k-o vesto, ʒi and-o vazi depresionaro le Bïrsaqo, haj k-o esto ʒi k-o Plaj Postävaru. 

Andar o Kristian nakhel o drom phandlimasqo maśkar o Braśovo haj o Kïmpulung Musćel, kaj sas maj anglal o maj importanto drom komerćialo karing o Them Rumunicko, ages avindoj o maj importanto kotor turistiko andar o than śukar le Braśovosqo, kaj si les vi e diz Rïśnov haj e butprinʒardi Filatïn Bran. 

---

Kuć mandina

But interesanto si o barr mulikano thodo p-e parǎta d-and-o esto le korosqo, kaj inkerelas maj anglal o praxomasqo than le rajnǎqo Anna May, muli and-o berś 1631, kana sas la numaj 25 berśa, pa savǎθe pakǎl pes ke si e mami le meśterosqi ruputnari Georg May, savo kerdǎs buki anda but manuśa prinʒarde de atunćaθar, vi anda o voievodo o Konstantin Brïnkoveanu. Va, aśunden miśto! Kana sas la numaj 25 berśa, voj sas jekh mami.

Siguro ćajlǒla tut k-o Kristian, kana vi o thagar habsburgo o Iosif o dujto, kana areslǎs kathe, phendǎs: "Si jekh gav but śukar!"