O ansamblo le khangerenqo evangeliko andar o Sebeś

Pa o Sebeś śaj ke ʒanes ke si jekh industrialo foro, ama akana maj but de 800 berśa kathe beśenas ol sekuia, kaj arakhenas ol granice, haj pala kodoja, ol saśǎ, kolonizime sakodole skopoça. 

E Khangeri evangeliko andar o Sebeś miazel le Khangerǎça Kali andar o Braśovo, haj phenel pes ke si phenǎ, avindoj len sakodova manuś kaj kerdǎs lenqo projekto, avindoj vazdine ande sakodova vaxt, voj si martora k-e but phari istoria la dizaqi, haj beśel akana and-o maśkar le forosqo. Kadaja sas vazdini and-o stilo romaniko, pala o dujto paś le sekolosqo XII, avindoj la but paruvimata de kana si voj vazdini. 

K-o ʒaben andre and-o foro dikhesa dural e khangeri so bari haj śukar si. Aćhesa bimujesqo kana dikhesa o altaro renasćentisto, ol fresće gotiko, ol kale zidurǎ, śaj vi ke e paramići jekhe barresqi, le pedeapsaqi. Kana areslǎn kathe, siguro ʒanesa la! 

---

Xarno rodinipen istoriko

Jekh cïra vaxt pala so avile, ol saśǎ astarde pen te vazden jekh khangeri and-o stilo romaniko. Ama, lenqe planurǎ sas phage kaθar ol mongolǎ, save avile te maren len, haj e khangeri andar o Sebeś, kaj sas ïnke vazdini, si dini jag. Von sa na mukhen pen, haj kam and-o berś 1260 ol bukǎ k-e khangeri astardǒn palem, o vazdipen avindoj palemvazdino and-o stilo gotiko, zorǎrdo, haj saves si les jekh zido andral. 

And-o dujto paś le sekolosqo XIV, jekh vaxt but barvalo ekonomiko, sas vazdino jekh koro savo mukhel tut bimujesqo, agordino and-o berś 1392. Ol bukǎ k-e khangeri sas aćhavde palem, kana and-o berś 1438, e populacia le forosqi sas tiknǎrdi anda kodoja ke avile ol xoraxaja p-e lenθe. Ama nići kadaja buki la aćhavel kodolen andar o foro te pheren penqo suno śeliberśenθar: o vazdipen jekhaqo andar ol maj bare khangerǎ save sas vrojekhvar and-e Transilvania. Andar o berś 1453 astardile palem ol bukǎ laθe!

---

So daśtis te dikhes kathe

Si musaj te dikhes ol thana kathar save sikaven pen kodolenqe kaj aven te dikhen len andar o turno le khangerǎqo. Kathar daśtil te dikhel pes e Rïpa e Loli, ol medievalo khera andar o maśkar le lokalitetaqo, vaj aver mandina vazdine bute bukǎça kaθar kodola save sas maj anglal kadala kaj ages ʒiven barikane and-o Sebeś. 

---

Kuć mandina

E maj kuć buki la khangerǎqi si o altaro. Kadava sas kerdo and-o berś 1518 kaθar jekh meśteri kaj na-i prinʒardo, kadǎ sar si but andar kodola save kerde buki k-ol khangerǎ le saśenqe andar e Transilvania. Ol maj but andar kadala na-s len akademiko ʒanglimata te keren kadaja buki, ama sas siklǎrde and-ol ćentrurǎ importanto andar o maśkar le Europaqo, o kamipen vaś o Del vazdinoj o keripen operenqo but śukar.